Byggingeniør
Bachelorhausten 2021
Er du interessert i realfag og tekniske løysingar? Som byggingeniør skal du planlegge, prosjektere og leie arbeidet med nye bygg, anlegg, vegnett med meir, og du blir ettertrakta på jobbmarknaden.
Merk deg at HVL tilbyr utdanningar innan fagområdet ved fleire studiestadar, og at det kan vere lurt å legge inn fleire alternativ på søkarlista di.
Du har emne innan både realfag, naturvitskap, teknologi, byggeteknikk og veg- og anleggsfag. Frå 4. studiesemester kan du spesialisere deg innan prosjekt- og byggeleiing.
Du lærer å:
- identifisere, planlegge og gjennomføre byggfaglege prosjekt, arbeidsoppgåver, forsøk og eksperiment
- vurdere økonomi, miljø og samfunn i samanheng med teknologi
- jobbe i team og gjennomføre prosjektarbeid
Prosjektoppgåver og bacheloroppgåve skjer i samarbeid med næringslivet, noko som gir deg ein unik sjanse til å komme i kontakt med framtidige arbeidsgivarar.
Praksis
Det siste studieåret kan du ha praksis i ei av samarbeidsbedriftene våre.
Kva kan du jobbe med?
Du har eit stort spekter av jobbmoglegheiter hos mellom anna
- bygge- og anleggsentreprenørar som driv med oppføring av bygg, samferdslekonstruksjonar, vegar, vatn/avløp og anlegg
- ulike produksjonsbedrifter, mellom anna trevare, betong og produktutvikling
- rådgivande bedrifter
- energiforsyningsbedrifter
- offentleg forvalting
Du jobbar både ute på anlegg og inne på kontor med administrative oppgåver.
Utveksling
Utdanninga har utveksling til dei andre landa i Norden, i tillegg til Canada, Austerrike, Spania, Australia, USA og Belgia. Nokre studentar vel å skrive bacheloroppgåva i utlandet i 6. semester. Det er også mogeleg å reise ut for å ta kurs på utanlandske universitet i 4. eller 5. semester.
Kor kan du reise?
Australia | Queensland University of Technology
Australia | University of the Sunshine Coast
Australia | Griffith University
Belgia | VIVES University College
Belgia | Thomas More University of Applied Sciences
Danmark | Aarhus University
Slovenia | University of Ljubljana
Spania | Polytechnic University of Valencia
USA | San Diego State University
Østerrike | Carinthia Tech Institute – University of Applied Sciences
Østerrike | University of Natural Resources and Life Sciences, Vienna
Ekstraordinært tilbod til alle som studerar i Førde
Alle som takkar ja til studieplass i Førde, får tilbod om jobbintervju i dei bedriftene du ønskjer og som er relevante for dine studier. Dette er dei bedriftene du kan velge mellom.
Du kan stille på eit eller fleire intervju, og ein kan sjølvsagt også takke nei. Jobbintervjuet vil bli i løpet av første månad av studiet. Studentjobbane blir kun tilbode til studentar ved teknologiutdanningane i Førde, men om du får (eller tar) jobben du ønskjer, blir opp til deg og arbeidsgjevar.